Kompanîya Pfizer îro Înê ragihand ku ewê jibo wergirtina destûra bikaranîna awarte (emergency use authorization EUA) ya ji vaksîna wê ya COVID-19 serî li hikûmeta Amerîkî bide.
Serlêdana Pfizer ya Rêvebirîya Xwarin û Dermanan ya Federalî (FDA) şend roj piştî ragihandina wê û kompanîya BioNTech ya Almanî tê ku wan qonaxa dawîn ya ceribana vaksdînê bi serketî temam kiriye.
Pfizer û BioNTech ragihandibû ku encamên herî nû yên asta dawîn ya ceribandina vaksînê bi rêjeya % 95 bandorbûnê nîşan daye û ti pirsgirêkên saxlemîyê derneketine.
Her du kompanî hêvî dikin ku FDA heta nîvê meha donzdeh Berfanbarê serlêdana wan erê bike û piştî hîngê ew demûdest dest bi belavkirina vaksînan bikin.