PEN Kurd li bajarê Diyarbekir (Amedê) weke hatî plankirin roja Yekşê 24 Nîsanê Konferensa aştiyê bi beşdarbûna PEN a Tirk û yên Cîhanî lidar dixe.
Saziya Nivîskar û Ronakbîrî PENa kurd ku, beşeke ji PENa Navnetewî, biryar girtiye di nava şer de, konferenasek aştiyê encam bide, di vê Konferansê de dê gelek Nivîska, Lêkolînvan û Ronakbîrên kurd û biyanî beşdar bibin.PEN kurd berî Konferans bê destpêkirin daxuyaniyek weşand û di beşeke daxuyaniyê de dibêje "Li welatekî şer hebe, tiştê herî pêşî divê bê kirin, hewildanên bidestxistina aşitiyeke bi rûmet e.
PENa Navneteweyî û hemû saziyên di bin banê PENê de rêxistinkirî wek berpirsiyariyeke xwe ya sereke pêşxistina çanda aştiyê dibînin.
Nivîskar û rewşenbîrên vê cîhanê jî ji ber erka xwe ya wicdanî her dem avê li wî agirê mezin dibe, dikin û di nava netewan de dibine pirên aşitiyê.
Bêguman niha aştî, herî kêm, wekî şer didome, zehmet e. Lewma her cure kar û xebatên ji bo vekirina riya aştiyê û pêkanîna wê zehmettir e. Lê belê dîsa jî berî her kesî nivîskar û rewşenbîrên cîhanê ne, yên ku dikarin riya diyalog û danûstandinên aştiyê vekin, bibine çira ji bo hem gelan hem jî ji bo hemû aliyên şer".
Dengê Amerîka hevpeyvînek li gel serokê PEN a Kurd birêz Şêxmûs Sefer encam da, wî armanc û hewildanên PENa kurd û heza wan ya aştiyê ji guhdarên pişka Kurdî ya Dengê Amerîkar re vegotin.
Temamiya hevpeyvînê di fayla deng de heye, guhdarî bike.
