Biryara sizadana Rêbwar Talebanî ji aliyê dadgeha Kerkukê de, dibe sedem ku duberiya di nava Partî Demokartî Kurdistan PDK û Yekêtî Niştîmanî Kurdistan YNK'ê de kurtir bibe.
Sizadan Rêbawar Talebanî serokê berê bi wekalet yê Encûmena Parêzgeha Kerkukê têkilî bi pirsgirêkên malî ve heye, endamên YNK û yên Turkman û Ereb dixwazin ew bihê sizadan û li ser wezîfa berê nemîne, lê endamên PDKê ku li Hewlêr dimînin piştevanîya Talebanî dikin û dibêjin dadgehkirina Talebanî pirsek "siyasî" ye.
Ciwan Hesen endama Civata Parêzgeha Kekukê (Yekgirtuya Îslamî dibêje"Rêbwar Talebanî ji aliyê YNKê de û girêdayî aloziyên li Kerkukê tê tawanbar kirin, eger ku heta vegere ve nava civata parêzgehê jî, hejmara pêwîst temam nabe".
Herweha got, ew şerê niha di navbera PDK û YNKê de li ser parêzgeha Kerkukê heman şere, yê ku berê herdu partiyan, li ser wezîfa Serokomariyê li Bexda dikir".
Endamên YNK ku 6 endam di Civata Parêzgehê de hene, tevî beşek ji endamên Turkman û Ereb hefteya bihê dê rûniştinekê encam bidin û hewil bidin Rêbwar Talebanî ji civata pavêjin.
Kameran Kerkukî endamê Civata Parêzgeha Kerkuk ji lîsta PDKê, YNKê tawanbar dike ku dixwaze tevgerek yasayî li dij Talebanî bide destpêkirin û wî nehêlin.
Aloziyên li Kerkuk bi duberiya di nava PDK û YNK de dom dikin.
