Yekemîn Kupaya Cîhanî ku li parzemîna Efrîqa tê kirin, îro destpê kir.
Nêzîkî 90 000 hezar temaşevan ku piranîya wan rengên zer û kesk li xwe kirîbûn, îro Înîyê geheştine Stadyuma Futbola Johannesburgê. Di maça yekê de Efrîqaya Başûra mêvandar û Meksîko têne hemberî hev.
Di merasîma vekirinê de gelek stranvan û dansvan derketin ser dike û hunerên xwe pêşkêşî temaşevanan kirin. Serokê Efrîqaya Başûr Jacob Zuma û hevtayê wî yê Meksîkî Felipe Calderon li kêleka hev rûniştin û berê xwe dan pîrozbahîyan.
Dîmenên televîzyonê her wiha metranê navdar Desmond Tutu yê xelatgirê Nobelê jî nîşan da, ku rengên tîma Efrîqaya Başûr lixwe kirîbû û govendê digirt.
