Ev pênc roj in, li Herêma Kurdistana Îraqê xwepêşandanên nerazîbûnê li dij desthilata Herêmê tên encam dan.
Giranîya xwepêşandanan li parêzgeha Silêmanî berdewam dikin, bi taybet li qeza Ranya û hin bajarokên din.
Desthilata Herêma Kurdistanê xwepêşanderan bi encamdana tund û tûjî tawanbar dikin, herwiha karbidest dibêjin ku xwepêşandan li gor ajenda û destên derve pêk tên.
Xelkê nerazî di xwepêşandan de daxwaza mehaneyên xwe, başkirina xizmetên jîyanê yên wek av, gaz û elektrîkê dikin, herwiha nemana desthilata niha ya hikûmeta û parlemanê dikin.
Di xwepêşandan de hin kes hatine kuştin û bi sedan jî kes birîndar bûne, herwiha jimareke xwepêşander hatin binçav kirin.
Hello Washington, vê heftê ev mijara girîng bi sê mêvanan re gotûbêj kir:
Xalid Ehmed, endamê kargêr yê Liqa Yek ya PDK li Duhokê
Sebrî Silêvanî, endamê Malbenda Çar ya YNK li Duhokê
Ayhan Said, rojnamevan, Silêmanî
