Hejmarek termên koçberên Kurd yên di dema derbazbûna ber bi Ewrupa de û di rê de xendiqîn û jiyana xwe ji dest dane bo Herêma Kurdistana Îraqê tên vegerandin.
Îro Yekşemê termên wan koçberên kurd bo herêma Kurdistanê hatin vegarenadin yên ku di kenala Înglîzî de di navbera Fransa û Brîtanya da jiyana xwe ji dest dabûn, dema dixwestin ji Fransa bi gemiyekê bi rêyên qaçax derbasî Brîtanya bibin, gemiya wan binav bûbû û nêzî 30 kesan jiyana xwe ji dest dabû, di nava qurabiyan de hejmarek Kurdên ji herêma Kurdistanê bûn.
Herwiha hejmarek koçberên kurd yên ku li deriya Îce jiyana xwe ji dest dane û termên wan nehatine dîtin, lê malbatên wan şîniya wan danîye.
Termên koçberan tên ku Yekşemê gihane herêma Kurdistanê 4 kes ji wan endamên malbateke xwecihên qeza Derbendîxanê bûn, ku dayîk û sê zarokên wê bûn. Herwiha 8 kesên din jî xelkê herêma Raperîn bûn, ev terim di wî çaxî de gehiştin, dema ku hat zanîn ku hêşta termê jinek û du zarokên wê ku xelkê qeza Seyid Sadiq ya herêma Şarezorê ne nehatine dîtin yên ku di derya Îce de xeniqîne.
Rêber Seyîd Sadiqî, birayê jina ku tevî du zarokên wê di derya Îce de xeniqîne gote Dengê Amerîka "Xûşka min û zilamê wê û zarokên wan meha 10 ya îsal çûne Tirkiyê, du mehan li wêderê mane, paşan xwestîye bi rêka qemiyekê herin Îtalya, lê qemiya wan li nêzîk giraveke Yunanistanê jêrav bûye."
Her çende xûşka Rêberî û her du zarokên wê yên di derya Îce de qendiqîne û termên wan nehatine dîtin, lê zavayê wan bavê zarokan ku ew jî di nava qeyîkê (gemiyê) dabû û rizgar bûye û li welatê Yunanistanê maye çaverêyî dîtina termên her du zarok û hevîjna xwe ye.
Rêber bi rêya Dengê Amerîka bang li Hikûmeta Herêma Kurdistanê dike ku di demek zû de hewil bidin, termên kes û karên wan bibînin û vegerînin herêma Kurdistanê.
Hin ji kesên ku berî demekî di kenalê Înglîzî de qeniqî bûn, termên wan kesan anîne herêma Kurdistanê li devera Raperîn, keçeke bi navê Baran ku weke (Bûka Deryayê) hatiye nas kirin di nav qurabaniyan da ye, ku jina di dezgiriyê debû, bûka ku dixwest bigihe zilamê xwe li Brîtanya, lê qederê rê lê girt, negihişt bi dîtina zilamê xwe şad bibe.
