Şandeyeke Herêma Kurdistanê çûye bajarê Kobanê ku rewşa heyî bibîne û piştgirîya xwe jibo gelê wê herêmê dîyar bike.
Di hevpeygvîna Dengê Amerîka de Ahmed Dadalî, Serokê Desteya Hindûrîn ya Kantona Kobanê dibêje, şande pîrozbahî li rizgarbûna bajarê Kobanê kir.
“Ev şande li ser navê parlemana Herêma Kurdistanê hat û mesaja pîrozkirinê ji Kobanê re anî. Ew bi rizgarbûna Kobanê pir şa bûne û amade ne ku di demên pêş de alîkarîya avakirina bajarê me bikin.”
Dadalî dide zanîn ku rojane bi sedan kes vedigerin Kobanê û gelekên din jî amade ne vegerin, lê şertên jîyanê li nav bajêr hîn baş in.
