Di hevpeyvîna Dengê Amerîka de rojnamevan Mustafa Balî li Kobanê agahîyên herî nû li ser şerê berdewam dide.
Balî dibêje, DAÎŞ hewil da ku makîneyek bipeqîne, lê şervanên YPG bi wê hewilê hêsîyan û ji dûr ve ew erebe bê bandor kirin.
Balî dide zanîn ku herwiha 2 endamên DAÎŞ ji xwestin ku di nav şervanên YPG de bipeqînin, lê ew jî bi ser neket.
"Çeteyên DAÎŞ çend roj bûn êrîşên xurt dikirin, lê şervanên YPG ew êrîş şikandin. Niha jî ahahî ji me re hatine ku DAÎŞ hêzên nû ji Tabqa dişîne Sarîn û ji wê derê jî Kobanê."
Rojnamevanê Kurd dîyar dike ku tevî serma û berfa heyî, Kobanê li berxwe dide û şerê xwe didomîne.
