Di hevpeyvîna Dengê Amerîka de Hevseroka Meclîsa Gel ya Kobanê Ayşe Efendî rewşa Kobanê dinirxîne û agahîyên herî dawî dide.
Birêz Efendî hîn raportên medyayê red dike ku DAÎŞ ketiye hindurê bajarê Kobanê.
"DAÎŞ neketiye nav Kobanê û nikane. Eger were nav Kobanê wê Kobanê ji wan re bibe goristan."
Efendî rexne li hêzên cîhanê dike ku êrîşên esmanî li ser DAÎŞê nakin.
"Bi dehan tankên DAÎŞ hene û herî pir jî ew zarar didine me. Eger ku bixwazin Amerîka û hêzên din dikanin bi rehetî li wan xin."
Sîyasetvana Kurd dîyar dike ku ewê heta dawîyê li Kobanê bimînin.
"Me soz daye şehîdan, gelê me û YPG ku heta dawî li vê derê bimînin û nerin cîhekî din."
