Medyaya dewletê ya Koreya Bakur, KCNA ragihand ku rêberê welêt Kim Jong Un û keça wî Ju Ae beşdarî li pîrozbahîyên sersalê kirine.
Wêneyên KCNA nîşan didin ku karbidestên payabilind yên Koreya Bakur jî çûne pîrozbahîyan.
KCNA eşkere nekir ku Kim di pîrozbahîyan de axifîye yan ne.
Li gor ragihandina KCNA, serokê Çînê jî di nav de gelek rêberên dewletan ji Kim re kartên sersalê şandine, lê wê medyayê navê Xi Jinping neda û behsa hûrgilîyên din jî nekir.
Di nûçeyê de nehat eşkere kirin ku Kim jî ji Xi re pîrozbahî şandiye yan ne.
KCNA pêr ragihandibû ku Kim ji Serokê Rûsya Vladimir Putin re name şandiye û soza xurtkirina hevbendîya stratejîk daye.