Wezareta Kar ya Amerîkî îro Înê ragihand ku di meha Şubatê de 151 hezar karên nû li bazara Amerîkî zêde bûn ku ew raporta yekê ya di gera duyê ya Serokê Amerîka Doland Trump e.
Wezaret di rapora mehane de ku îro hate weşandin de dîyar kir ku sektora lênêrîna saxlemîyê de 52 hezar kar, di xebatên darayî 21 hezar û veguhastin û depokirinê jî 18 hezar karên nû peyda bûne.
Raporta îro nîşan dide ku tevî zêdebûna fikarên aborî û kêmbûna pêbawerîya Amerîkîyan, bazara kar bi îstîqrar dimîne.
Wezareta Kar herwiha dîyar kir ku piştî pêdeçûnê hejmarên karên Rêbendanê 18 hezar kêmtir bû û wek 125 hezar û yên Berfanbarê jî jiber faktorên karkerîya kindemî ya demsalî 16 hezar kêmtir derketine û wek 323 hezar mane.
Wezaretê da zanîn ku rêjeya bêkarîyê jî bilind bû û gihîşt % 4,1 û rêjeya mûçeyan jî % % 0,3 zêde bû ku ew li gor salê ji sedî 4 û di sê mehên dawî de ji sedî 3,6 zêde bûn.
Jêder: AP