Serokwezîrê Iraqê Mustefa Al Kazimî serdana xwe ya herêma Kurdistanê bi geşbînî bi dawî îna. Ji nav çendîn cihan ku birêz Kazimî serdana wan kirî, kampekê awareyên Êzîdiyên Şingalê bû ku ji sala 2014ê were ji komkujiya dewleta Îslamî DAIŞê ji Şengalê derbider bûne.
Di dema serdanê da Kazimî soz da rûniştvanên kampê ku ewê alîkariyê bike bo vegera koçberan bo ser mal û warên xwe.
Gelo Şengaliyan, çend hêvî bi sozên Kazimî heye?
Mazin Shangali, rojnamevan û çalakvanê Şingalî ku ji nêzîk ve serdana Al Kazimî di şopand gote Dengê Amerîka "VOA" serdan gelek erênî bû ji ber sozên wî dayîn hevdemê vegera Şingaliyan e ku hinekê bawerî li cem wan payda bûye.
Lê gava ku Şingal meydana nakokiyên layenên siyasî u çekdarî be, hinekê gûman heye Kazimî bikarbe sozên xwe bicih bîne.