Îraqê îro Şemîyê bang li Tirkîyê kir ku lêborînê bixwaze ji ber êrîşa li ser firokexaneya Silêmanîyê li bakurê Îraqê, û got ku divê hikûmeta Tirkîyê şerên li ser axa Îraqê rawestîne.
Seroktiya Îraqê di daxuyaniyekê de ragihand ku Tirkiyê ti bingeheke yasayî nîne ku "bi berdewamî sivîlan bitirsîne bi behaneya ku hêzên dijminên wê li ser axa Îraqê hene."
Berpirsê karûbarê medyaya biyanî yê Hikûmeta Herêma Kurdistanê Lawik Xefûrî derengiya roja Înê di daxuyaniyekê de li ser Twitterê ragihand ku firokeyeke bê firokevan êrişî derdora firokexaneya Silêmaniyê kir, lê ti ziyan nebûn û seferên balafiran nehatin rawestandin.
Rayedarekî Wezareta Berevaniya Tirkiyê ji Reutersê re ragihand ku roja Înê ti operasyoneke Hêzên Çekdar ên Tirkiyê li wê herêmê pêk nehatiye.
Hêzên çekdar ên Tirkiyê çendîn operasyonên serbazî yên mezin pêk anîne, di nav de êrîşên asmanî di nav deh salan de li bakurê Îraqê û bakurê Sûriyê li dijî şekdarên kurdên Sûriyê Sûriyê YPG, Daiş û Partiya Karkerên Kurdistanê (PKK).
Îdiayên êrîşê çend roj piştî wê yekê hatin ku Tirkiyê qada xwe ya asmanî li ber firokeyên ku diçin û tên Silêmaniyê girtiye, ji ber wê yekê ku wê got çekdarên PKKê li wir in.
PKKya ya qedexekirî ku ji sala 1984an ve li dijî dewleta Tirkiyê serhildanekê bi rê ve dibe, ji aliyê Tirkiyê, Amerîka û Yekîtiya Ewropî ve weke rêxistineke terorîst tê dîtin.
Çavkanî: Reuters
