Piştî belvabûna vîrûsa korona li gelek welatên cîhanê, êdî metirsî li ser jiyana mirovan pir zêde bû ji ber wê piraniya karên hikûmet, perwerdeyî û hinî din bûn ji malê û bi rêka Internêtê û kontrola ji dûr ve tên birêvebirin.
Gelo ev guherîna ku li şêwazê karan bûye û êdî piraniya karan ji malê tên kirin, wê çi banorê li paşroja mirovan bike û gelo internet wê şûna karê ofîsan bigre?
Di hevpeyvîna xwe de bi Dengê Amerîka re Dilşad Osman, pisporê Internêt û teknelociya parastina ewelhiya Internêtê got :" Vîrûsa Korona karê ji malê li gelek welatan kiriye 100%, û şûna karê ofîsê girtiye."
Herwiha jî wî anî zaman ku ev guherîna mezin di şêwazê xwendin û karên ofîsan de kir, û dibe ku ev di paşrojê de bibe şêwazê serekî di gelek karxaneyan de û karên hikûmet û xwendinê de.
Dilşad ji aliyê xwe ve bo alîkariya xwendkarên li herêmên kurdî li Sûriyê bike, wî platformek li ser tora internêtê saz kirye bi navê Zanko.org ku rê û derfetê dide xwendkaran û mamosteyan ku desr û perwerdeya xwe berdewam bikin.
