Cîgira Serokê Amerîka Kamala Harris îro Sêşemê berbijarê xwe yê jibo cîgirîya seroktîyê ya hilbijartinên Mijdarê ragihand, li gor medyaya Amerîkî.
Ajansa AP û televizyona CNN ragihand ku Harris walîyê Minnesota Tim Walz wekî berbijarê cîgirê serok destnîşan kiriye.
Tê çaverêkirin ku ragihandineke fermî ji alîyê kempeyna Harris vê îro Sêşemê were kirin.
Kempeyna Harris plan dike ku jibo hilbijartinên meha Mijdarê li Wisconsin, Michigan, Arizona û Nevada û li eyaletên din yên dîyarker gerekê çêke.
Berbijarê Partîya Komarî, Serokê berê Donald Trump meha borî di kongreya dîyarkirina berbijaran de Senator JD Vance wek berbijarê cîgirîya serok bijart.
Çaverê ye Vance vê hefteyê li Pennsylvania, Wisconsin, Michigan û Carolina Bakur gera kempeyna xwe çêke û ew eyalet wek cîhên çetin yên hilbijartinê têne dîtin.
Serok Joe Biden dawîya meha borî dîyar kir ku ewê gereke din nebe berbijar û navê Harris jî berbijara Demokratan derket pêş.
Kempeyna Biden piştî wî di dîbeytekê de li hember Trump performanseke xirab nîşan da daket û ser wê performansê bangên ser vekişîna wî zêdetir bûn.