Çavdêrîya Sûrî ya jibo Mafên Mirovan (SOHR) ragihand ku di êrîşên hikûmeta Sûrî û hevalbendên wê de de 71 kes, di nav 24 seetên dawî de, li Gutaya rojhilat hatin kuştin.
SOHR da zanîn ku di êrîşên esmanî, roketî û yên hawanan de, li ser taxên Şamê herwiha 325 kesên din jî birîndar bûn.
Artêşa Sûrî ti agahî li ser wan îdiayan neda, lê hikûmeta Şamê dibêje ew tenê mîlîtanan dike armanc.
Neteweyên Yekbûyî dibêje ku nêzî 400,000 kes li Gutaya rojhilatê dijîn ku ji sala 2013an vir ve di bin dorpêça hikûmeta Sûrî de ye.