Rojnamevan Gok: Vekişîna Hêzên PKK'ê Hîn Destpê Nekirîye

Di hevpeyvîna Pişka Kurdî ya Dengê Amerîka de Edîtorê Giştî yê Ajansa Nûçeyan a Dîcleyê (DIHA) Abdurrahman Gok li ser vekişîna çekdarên PKKê agahîyan dide.

Birêz Gok dibêje, beravajîya raportên medyaya Tirkî, heta niha vekişîn destpê nekirîye jiber ku ew yek bi daxuyanîya Desteya Rêvebir ya Koma Civakên Kurdistanê (KCK) pêkan e.

Abdurrahman Gok herwiha dibêje, li herêmê geşbînîyeke xurt heye û êdî polîs û hêzên ewlekarîyê jî bi rehetî li sûk û kolanan digerin.