Rêvebirê kargerî yê Komîsyona Bilind ya Hilbijartinan ya Herêma Kurdistana Îraqê, Faris Mihemed di êrîşeke çekdarî de li Hewlêrê hat kuștin.
Rêvebirê polîsên Hewlêrê got ku kuștina karbidestê komîsyonê ti têkîlî bi komîsyonê ve tune û bûyer kiryareke civakî ye.
Mihemed herwiha pêșmergeyekî berê yê Yekîtîya Niştîmanî ya Kurdistanê (YNK) bû û kadroyê wê partîyê bû. Di vî warî de Saadî Ahmed Pîre, berdevkê YNK'ê got Faris ti pirsgirêk ligel ti kesekî nebûye.
“Em daxwaz dikin ku dezgehên ewlekarî bi karên xwe rabin û vekolînan bikin. Em herwiha ji kes û karên Faris dixwazin ku ger zanyarîyên wan hebin, bila bidin dezgehên emnî,” Pîre got.
