Pêşbazîyên Kupaya Ewrupa (Euro 2024) ya futbolê li Almanyayê îro Înê bi du maçan dikevin qonaxa fînalên çarîkê.
Di lîstika yekê de Almanya ya mêvandar ligel Îspanyayê dilîze. Maç li bajarê Stuttgartê tê kirin. Di maça din de Portugal derdikeve hember Fransayê. Ew lîstik li bajarê Hamburgê lidar dikeve.
Serketîyên van herdu maçan dê roja Şemîyê (9’ê Tîrmehê) li stadyuma Fussball Arena li Munichê di qonaxa berî fînalê de bihev re bilîzin.
Pêşbazîyên qonaxa 8’an sibe Şemîyê bi du maçên din bi dawî dibin. Di ya pêşî de Îngiltera û Swîsra li bajarê Dusseldorfê dilîzin. Paşê, Holanda û Tirkîyê li stadyuma Olempîk ya Berlînê derdikevin hember hev.
Kî di van herdu maçan de jî biser kevin, dê 10’ê Tîrmehê li stadyuma BVB li Dortmundê jibo maça din ya berî fînalê bilîzin.
Lîstika fînalê ya Euro 2024 dê 14’ê Tîrmehê li Berlînê were lîstin.
Bêtir analîz ser lîstikên Euro 2024 li vir temaşe bikin:
