Lîstikên futbolê yên Kupaya Ewrupayê (Euro 2024) li Almanyayê di roja çaran de ligel germa havînê germtir dibin.
Di Grûpa E de îro Duşemê Romanya serkeftineke mezin hember Ukraynayê bidest xist. Li hember bêtirî 61 hezar temaşevanan li Stadyuma Arena li Munchenê, Romanya 3-0 bi ser ket û sê xalên destpêkê di vê qehremanîyê de bidest xist.
Di heman grûpê de, Belcîka derket pêş tîma Slovakyayê û bi encama 1-0 têk çû. Ev jî surprîza yekê di vê pêşbirkê de bû. Ew maç li bajarê Frankfurtê pêk hat.
Di lîstikên do Yekşemê de, Holanda hember Polonyayê bi encama 2-1 li pêş 48 hezar temaşavanan li lîstikgeha Volksparkstadion li Hamburgê bi ser ket. Di lîstika din ya heman grûpê de, îro Fransa û Auwstraya tên hember hev.
Di du lîstikên din yên grûpa C de ku roja Yekşemê pêk hatin, Îngiltra 1-0 zora Serbistanê bir û Slovenya û Denmarkayê ji xalên maçê bi encama 1-1 dabeş kirin.
Sibe Sêşemê, di Grûpa F de Tirkîyê ligel Gurcistanê dilîze û paşê Portugal derdikeve hember Komara Çekê.
Lîstikên qehremanîya Ewrupayî heta 14’ê Tîrmehê didomin.
