Di hevpeyîna taybet ya Dengê Amerîka de Serokwezîrê Kantona Kobanê Enwer Mislim li ser rewşa Kobanê heta agahîyên derbarê serdana xwe Herêma Kurdistanê agahîyên girîng dide.
Birêz Mislim dibêje, rewş li Kobanê baştur dibe û di rojên dawî de 5 kolanên nû ji destê Dewleta Îslamî hatine rizgar kirin.
"Şervanên YPG yên qehreman bi piştgirîya pêşmergeyan û firokên esmanî yên koalîsyonê pêşketinên girîng dest dixin û deverên nû kntrol dikin. Em bi hêvî ne ku di rojên pêş de emê hîn nûçeyên xweş bidin gelê xwe."
Mislim kêfxweşîya xwe derheqa serdana Herêma Kurdistanê dîyar dike û dibêje ew pir bi germî hate pêşwazî kirin.
"Serokomarê Îraqê Dr. Fuad Mahsum, Serokomarê berê Mam Celal û gelek şexsîyetên navdar em pêşwazî kirin û piştgirîya xwe jibo Kobanê eşkere kirin."
