Çaksazîyên ekonomî mijareke sereke ye, li ser zarê her kesekî li Herêma Kurdistanê. Gel bi şev û roj di nava fikarên ekonomî de ne, bi taybet çîna hejar û kêm deramet.
Kesê ku jiyana wî li ser meaşê mehane be, divê çaverê be kanî di dema xwe de dikare wî meaşî wergire yan na.
Ji xwe meaşê karmendan yê 4 mehan hêjî nehatine dayîn. Ev krîz zêdetirî salekê ye berdewam e û hêjî hîç çareseriyek jêre ne hatiye dîtin.
Bêhêvîtî li cem piraniya civakê derheqî guherîn û çaksaziyan de peyda bûye û ew dibêjin çend sal in her kes behsa çaksazî û guherînan dike, lê hemî gotin û sozên hikûmetê vala derdikevin.
Hin welatîyên bajarê Duhok li ser reform û çaksaziyên ekonomî li Kurdistanê jibo Dengê Amerîka ramanên xwe anîn ziman, ew rexneyên xwe dirêjî sîstem û şêweyê îdara ekonomî li Herêma Kurdistanê dikin.
Temamiya raporta li ser vê mijarê di fayla deng de guhdarî bike.
