Hevserokê berê yê Partîya Demokratîk ya Gelan (HDP) Selahattîn Demîrtaş ji Twitterê bang li hilbijêran kir ku jibo gera duyê rabin ser xwe û dest bi guhertinê bikin.
Demîrtaş dîyar kir ku ewê hêvîyên xwe radestî zordestan nekin.
‘’Emê hêvîyên xwe, xeyalên xwe, siberoja xwe radestî zordestan nekin. Em tevgereke mirovahîyê ne, em tevgereke têkneçûyî ne.’’
Demîrtaş bang li hilbijêran kir ku rabin ser xwe û biguherînin.
Tirkîye dê di 28’ê Gulanê de jibo gera duyê ya hilbijartinan here ser sindoqan.
HDP û Demîrtaş li hember berbijarê Hevpeymanîya Gel Recep Tayyîp Erdogan, piştgirî didin Hevpeymanîya Netew, Kemal Kiliçdaroglu.