Di encama belavbûna vîrusa Korona de li seranserî navçeyên Rêveberiya Xweser, biryarên dûrketina civakî û qexeya kombûnên girseyî hatin ragihandin, û ji bo zanîngeh ,dibistan û peymangehan cihên herî kombûn lê çêdibin li gorî biryarên qedexeyê deriyên wan dihatin girtin.
Desteya Perwerdê ya Bakur û Rojhilata Sûriyê sala perwerdê 2020-2021an bidawî kir, bê ku xwendekar ezmûnan pêşkêş bikin û derbasî sala xwendinê pê re bûn, ji ber rewşa tenderustî û dijwariya belavbûna vîrûsa Korona .
Kewser Doko Hevseroka Desteya Perwerdê ya Rêveberiya Bakur û Rojhilata Sûriyê ji Dengê Amerîka re li ser şêweyê ew bawernameyan bidin xwendekarên dibistanên seretayî zelal kir û got "Dê encamên werza duyan li gor pileyên şagirtan di werza yekê de bidest xistî wern dayîn".
Xwendekarên navîn û amadeyî ji bo wan sala perwerdê berdewam dike bi standina yedekên parastin û dûrketina ji hev ta ku hemû waneyên xwe bidawî bikin .
Doko ji Dengê Amerîka re taybetiya rewşa xwendekarên amadeyî û navîn şirove kir û got "Ji bo xendekarên bawernameyan tu guhertin nehatiye çêkirin".
Hêjayî gotinê ye ku ev ne cara yekê ye ku peymangeh, dibistan û zanîngeh li Bakur û Rojhilata Sûriyê ji ber karantînê tên girtin, ku sala borî jî va şêweya hate bikaranîn, herwiha xwendekarên zanîngeh û peymangehan di riya online re xwendina xwe berdewam kirin.
