Partîya Gel ya Komarî (CHP) îro Sêşemê bi rêberîya serokê partîyê Kemal Kiliçdaroglu kom bû.
Berdevkê CHP’ê Faîk Oztrak dîyar kir ku wan di civînê de biryar daye ku ew îro dest bi peyvajoya kongreyê bikin.
‘’Hem xwerexnekirinên me yên ser hilbijartinên borî didomin, hem jî em dest bi hazirîyên jibo hilbijartinên herêmî dikin’’
Wî li ser pirsa ‘’Kiliçdaroglu difikire ku ji seroktîyê vekişe?’’, Oztrak got ku ew partîyeke kevn in û di vê partîyê de ti kes nikare bi tenê bi serê xwe tevbigere.
Oztrak dîyar kir ku ewê di demên pêş de zêdetir hûrgilîyan bidin.
Ji alîyê din ve Serokê Koma CHP’ê Ozgur Ozel dîyar kir ku ewê parlamanterê wan yê Enqerê Tekîn Bingol jibo seroktîya li parlamanê bikin berbijar.
Berbijarê Partîya Dad û Pêşvebirinê (AKP) û Partîya Tevgera Neteweperest (MHP) jî Numan Kurtulmuş e.
Jêder: CHP, Twitter