Wezîrê Berevanî yê Amerîka Ash Carter îro Pêncşemê got, niha 200 komandoyên Amerîkî li Îraq û Sûrîyê ne û êrîşên dijî armancên DAIŞê pêk tînin û endamên wê komê digirin yan dikujin.
"Hêzên me di rewşa hazir de bi hêzên nû re ku hevarmanc in, peywendî danaye û jibo şervanên xwecîhî yên zîrek û çeleng kanalên nû yên ragihandinê vekirine.”
Carter bi berdewamî dîyar kir ku yek ji armancên girîng yên komandoyên Amerîkî ew e ku jibo êrîşên esmanî û hemî êrîşên din hedefan destnîşan dikin.
Wî da zanîn ku koalîsyona navnetewî li Îraqê bajarê Mûsil û li Sûrîyê jî Reqa ji xwe re kiruye armanc ku ji destê DAIŞê derxîne.
Carter do Çarşemê ligel hevtayên xwe yên Fransî, Almanî, Brîtanî, Australyayî, Îtalî û Holandî civîyabû ku stratejîyeke hevbeş li dijî mîlîtanên DAIŞê destnîşan bikin.