Li bajarê Heseke belavok dijî hebûna Îranê li navçeyê hatine belavkirin, di encam de istixbarata Sûriye 6 kes bi tohmeta belavkiirna wan belavok li çargoşeya ewlekariyê girtin.
Li gor çavkaniyên xwecihî, li bajarê Heseke belavok dijî hebûna Îranê li navçeyê hatine belavkirin, di encam de istixbarata Sûriye 6 kes bi tohmeta belavkiirna wan belavok li çargoşeya ewlekariyê girtin, piştî lêkolînê her 6 kes hatin berdan.
Di wan belavok de hatiye gotin:
“Kiryar û binpêkirinên milîsên Îranê metirsiyek li ser pêkhateya civakî û eşîrî li Hesekê.
Ciwanên azad ên Hesekê ji milîsên Îranî û Hizbullaha Lubnanî bihêztir û jîrtir in.
Îranê ji rewşa xirab a aborî sûdê dikin da ku kurên Hesekê weke çete tevlî nav xwe bikin û ji bo xatirê xwe bidin kuşt in.
Em ciwanên azad ên êlên Hesekê, bang li gelê xwe û rûsipiyên eşîrên xwe dikin ku li hemberî van çalakiyên erzan bibin yek ”.
Di dawîya belavokê de hat nivîsandin:
”Na ji Hizbullaha Lubnanî û projeya Îranê re... Bijî Hesekê û Sûriyê azad û serbilind.”
Şopîner bawerdikin ku nakokîyên navbera Îran û Rûsîyayê li tevahî sûrîyê li deverên jêr kontirola Rêjîmê de dibe sedema alozîyên berdewam.
Her alîyek hekarên xwe yên sûrî dijî hev bikartîn in. ev li Dera,Siwêdayê û Hesekê çen caran derket holê.
Şopîner Dilbirîn Xelo dibêje ku :
”Li Hesekê di hundirê çarkoşeya ewlekarî ya jê kontirola rêjîmê berdewam alozî navbera hekarê herdû alîyan derdikeve holê. ”
Hêjayî bibîrxistinê ye ku di meha Temûza borî de jî, li çargoşeya ewlekarî li nav bajarê Heseke belavok dijî hebûna Hizbullaha Lubnanî û mîlîşyayên Îranê hatibûn belavkirin.
