Mîhrîcana Arîn Mîrkan ya Jinan roja Sêşemê li Efrînê destpê kir. Di mîhrîcanê de jinên Efrînê yên ciwan çalakîyên çandî, hunerî û sporî pêşkêş dikin.
Mehrîcana ku ji alîyê Yekîtîya Jinên Ciwan ve tê darxistin, li navenda çand û hunerê li bajarê Efrînê destpê kir û ta dawîya hefteyê dewam dike.
Di roja yekê ya mîhrîcanê de çalakîyên çandî yên wek helbest, nigarkêşî, berhemên destkarî û pêşbirkên çandî hatin pêşkêş kirin.
Mîhrîcan roja Çarşemê jî bi çalakîyên hunerî dom kir; beşdaran stran, mûzîk, govend û cilûbergên folklorî pêşkêş kirin, herwiha şano jî hate pêşandan. Bernameyên mîhrîcanê ji alîyê beşdaran ve gelek hatin ecibandin.
Hêjayî gotinê ye ku çalakîyên mîhrîcanê heta roja Înê didomin û pêşbirkên sporî bêne li dar xistin ku tê de futbol, basketbol, şatranc hebin û herwiha kesên serkeftî wê bêne xelat kirin.
