Karbidestekî rêvebirîya Serok Joe Biden ragihand ku ew dê ji Meksîko re hin vaksînên din yên vîrusa korona bişînin.
Serokê Meksîko Andres Manuel Lopez Obrador û Cîgira Serokê Amerîka Kamala Harris bi rêka telefonê axifîne.
Lopez Obrador gotibû ku ew û Harris dê ser jinûve vekirina sînorê Amerîka û Meksîko, koçberî û vaksînên vîrusa korona bipeyîvin.
Wî di preskonferansekê de dabû zanîn ku bi vaksînên li sînorê Amerîka hatine karanîn, li wan herêman ketina nexweşxaneyê û mirinên ji vîrusa korona kêm bûne.
Karbidestê Amerîkî berî axaftina Lopez Obrador û Harris dîyar kir ku Moderna û AstraZeneca jî di nav de ewê ji Meksîko re pirtir ji yek cure vaksîn bişînin.
Wî da zanîn ku Amerîka bo Meksîko çend mîlyon vaksîn veqetandine û gotk u jiber peywendîyan Washington dê ji wî welatî re li gor welatên din pirtir bişîne.
Sînorê Amerîka û Meksîko 3200 kîlometre ye û ji destpêka pandemîya vîrusa korona vir ve derîyên her du welatan ji hevdu re xêncî rêwîtîyên mecbûrî girtî ne.