Roj Sêşema borî li bingehê leşkerî li Rimêlanê li bakurê rojhilatê Sûriyê, cîgirê Fermandarê operasyonên Taybet yên Hêzên Hevpeymaniya Navnetewî Kevin Copsey ragîhand ku wê hêza hevpeymaniyê li herêmên kurdî li Sûriyê bimînin û vekêşana hêzên Amerîka tenê dê ji aliyê Iraqê bê kirin.
Kevin Copsey dîsan anî ziman ku hêza hevpeymaniyê wê şerê li dijî DAIŞê berdewam bike û pêwendiyên xwe bi Hêzên Sûriya Demokrat HSDê re bidomîne û tu guherîn nayên kirin ta herêm bi carekê ji DAIŞ bê pakirin.
Gelo ev biryar wê çi guhertinê bixe rewşa kurdên Sûriyê, bi taybetî piştî hilbijartinên Amerîka, ku gelek şîrovekarên siyasî û çavdêr dibînin ku wê gav û pilanên nû di herêmê de bên bicî kirin?
Di derbarê rewşa heyî de bernama Tîrêj ev mijar û hin pirsên girêdayî rewşa Kurdên Sûriyê û pêwendiyên wan bi Amerîka û Hêzên Hevpeymaniya Navnetewî re bi birêz Ekrem Hiso, Endamê Desteya Cêbicêkar ya Kongireya Netewî ya Kurdistanî gotûbêj kir.
