Li bajarê Bexda paytexta Îraqê, li dawiya hefteyê welatî derziya yekê ya vaksîna AstraZeneca werdigirin, roja Yekşemê hezarana welatî gehiştine bingeha saxlemiyê ya Basmaya li başûrê Bexda û çaverêyî wergirtina vaksînê ne.
Li gorî Wezareta Tendirustiya Îraqê, roja Şemiyê zêdetirî 3400 kesan derziya yekê ya Vaksîna AstraZeneca wergirtîye. Kesên ku pêşî vaksînê distînin, kesên pîr û kal û nexweştin, herwiha kesên ku bi wan re dijîn.
Îraqê roja Pêncşemê yekem barê vaksîna AstraZeneca wergirtîye ku bi destpêşxerîya COVAX gehiştîye wî welatî.
COVAX bernameke hatiye damezrandin jibo alîkariya welatên hejar û dahatê wan kêm, da ku vaksîna li dij COVID-19 bigehînin wan.
Wezareta Tendirustiyê gotiye barê yekê ku 336 hezar derziyên vaksînê gehiştine firîngeha Bexda ya nêvdewletî, û tê çaverê kirin ku barên din yên vaksînê di roj û hefteyên dahatî bigehin Îraqê.
Wezareta Saxlemiya Îraqê doh Şemiyê gotbû, heta niha li Îraqê 827157 haletên tûşbûna vîrusa korona hatine tomar kirin û 14177 kes jî bi COVID-19 mirine.