Xwepêşandanên li herêma Kurdistana Îraqê yên ku berî du rojan hatbûn destpêkirin, li çend herêman dom dikin. Xwepêşandanên nerazî yên li Herêma kurdistnaê ji sedema krîza aborî û nedana mûçeyên karmendan li dij hikûmeta herêmê derketine.
Li çend herêm û bajarokan xwepêşanderan û xelkê nerazî bingehên partiyên siyasî, malên berpirsan û hin dayîreyên hikûmetê dişewitînin.
Serokê hikûmeta Herêmê derbarê xwepêşandan peyvek pêşkeş kir û bersiva rojnamevanan da.
Serokê hikûmeta Herêmê Mesrûr Barzanî derbarê xwerpêşandan peyvek dirêj pêşkeş kir, herçende piştevaniya xwe bo xwepêşandanên aştiyane ragihand lê bûyer û xwepêşandanên çend rojên borî weke karên "Têkder" bi nav kirin.
Xwepşandanên bi taybet li parêzgeha Silêmaniyê û Helebce û herêma Germiyan hatine destpêkirin, hêzên ewlekariyê rêgiriyê dikin, di encam de tundûtîjî derketin, heta amade kirina vê raportê 6 xwepêşander hatine kuştin û yek pêşmerge jî giyanê xwe ji dest daye û hejmarek kes jî birîndar bûne.
Li her yek ji qeza û nahiyên weke Çemçemal, Pênciwîn, Seydsadiq, Şarezor, Xormal, Tekiye, Kelar û Kifrî xwepêşandan dijî hikûmeta Herêma Kurdistanê û rewşa xerab ya aborî hatin destpêkirin, xwepêşander çûne ser avahî û ofîsên partiyên siyasî yên desthilatdar û opzisyon û çendîn avahiyên hikûmetê û dayire û malên çend berpirsan şewitandin.
Di encama derketina şer û pevçûnên di navber xwepêşander û hêzên ewlekariyê de heta niha 6 xwepêşander û yek pêşmerge mirine, nêzîkî 100 kes jî birîndar bûne.
Serokê Hikûmeta Herêmê Mesûr Barzanî Çarşemê gotraek pêşkeş kir û got "Ew xem û kêşeyên welatiyan fam dikin û piştevaniya xwepêşandanên aştiyane dikin."
Karmendên hikûmeta Herêma Kurdistanê di sala 2020ê de mehaneyên xwe yên 6 mehan nesatndine, yên ku hatine dan jî 20% ji mûçeyên wan hatîye birîn.
Mesrûr Barzanî got"Ya ku rû dide têkderî û plangêrîye û destê derve di wan bûyeran de heye bo têkdana tenhaiya Herêma Kurdistanê."
Niha li hemû bajar û bajarokan, gelek hêzên ewlekariyê hatine belav kirin da ku rêgiriyê li xwepêşandanên dijî hikûmetê bikin, lê dîsan jî li çendîn herêm û deverên Silêmaniyê xwepêşandan tên dom kirin.