Çalakvanên opozisyona Sûrî îro şemiyê got êrîşeke rokêtan navendeke tenduristî ya bin erdê li bakurê welêt kir armanc, jimarek karmendên wê kuştin û navend ji kar xist.
Çavdêriya Sûrî ya mafê mirov ku bingeh li Londonê ye ragihand ku êrîşa esmanî ziyaneke mezin gihand navenda tenduristî li gundê Abdîn ê parêzgeha Idlibê. Gurûpa medya “Heleba Îro” , ku çalakvan birêve dibin, her wiha êrîşa esmanî ragihand.
Lê piştre çavdêriyê got diyare hin rokêt ji erdê jî hatibûn avêtin û li navendê xistibû berî êrîşên esmanî.
Rêxistinên tenduristî yên xêrxwazî yên navnetewî dibêjin hêzên hikûmeta Sûriyê nexweşxane, navendên dermankirinê û otombêlên Ambelansê li navçeyên bin destê opozisyonê dikin armanc.
Da xwe ji êrîşan biparêzin, gelek navendên tenduristî yên navçeyên opoziyonê karê xwe li bin erdê birêve dibin.