Amerîka bi dirêjahiya 6 salên şerê Sûriye lijêr siyaseta rêveberiya Barack Obama nedixwest rastewxo tevlî şer bibe, lê hêleka sor hember bikar anîna çekên kîmawî dana piştî êrîşa sala 2013 ku bi sedan sivîl tê de hetine kuştin.
Digel bidawî hatîna serokatiya Obama hêla sor a Amerîka bidawî nehat û bersiveka xurt liser bikaranina çekên kîmawî li bajarokê Xan Şêxon hebû.
Armanckirina bingeha leşkerî ya Şûêrat bi 59 moşekan peyamek bû, bo çendin aliyan ji wana Rûsya û Îran yên piştevanîya serokê Sûriye Beşar Esad dikin.
Erê Amerîka siyaseteka nû liser dema Donald Turmb li Rojhelata Navîn pêk tîne? Erê êrîşa moşekan destpêke bo tevlîbûna zêdetir a Amerîka di Sûrîya da?
Bernamê Tîrêj zêdetir liser vê mijarê rawesa û mihvandarîya nivîskar û şerezyê peywendiyên navnetewî Sebrî Silêvanî kir.
Birêz Silêvanî dibêje,"Yek ji armancên Siyaseta Trump sinordar kirina hêzên Îslama siyasî"
