Ragihandina lihevhatina Encûmana Niştimanî ya Kurdên Sûrî û TEV-DEM cihê dilxweşiya aliyên sîyasî û tevaya gel bû, lê heta niha çi pêngav jibo bicîhkirina rêkeftinê nehatine avêtin.
Di hevpeyvînekê de ligel Dengê Amerîka digel nivîskar û çalakvan Dr. Bengî Haco dibêje, sedema neserkeftina rêkeftina Duhokê heman sedema sernekeftina rêkeftina Hewlêrê ye, jiber ku niha deshilatek li Rojava heye û aliyên din dixwazin pişkdar bin lê ew şîyan li cem wan nîne.
Dr. Haco herwiha got, niha dema em şaştiyan kêm bikin yekrêziya gel biparêzin û kur û keçên şervan li Kobaniyê û cihên din zarokên milet in.
