Rojnamevan Mesud Hamîd ku beropirsê sazîya Nûdemê ye, di hevpeyvîna Dengê Amerîka de li ser şertên dijwar yên li Kurdistana Sûrîyê agahîyên balkêş dide.
Birêz Hamîd dibêje, gelê Kurd di şertên pir giran de dijî û jiber birçîbûnê xort neçar dimînin ku jibo şoxul herin welatên din.
Hamîd dide zanîn ku jiber girtîbûna derîyê sînorê ya navbera Kurdistana Sûrîyê û Herêma Kurdistanê rewş hîn xirabtir bûye û gelek penaberên ku ji Heleb û bajarên din revîne li ser tixub ase mane.
Rojnamevanê Kurd partîyên Kurd rexne dike ku di vê rewşê pir xirab de jî xema gel naxwin û ketine dû berjewendîyên biçûk.
