Serokê Partîya Azadîya Kurdistanê (PAK) Mustafa Ozçelîk got ku şeş partî û komên Kurdî jibo hilbijartinan bloka Kurd ava dikin.
"PAK, PSK, PDK Bakur, PDK-T, Hereketa Azadî di 30'ê mehê de li Amedê civina dawî li dar dixin. Çend xalên esasî hene ku partîyên Kurd li ser tifaqek netewî çêkin. Naskirina zimanê Kurdî, rakirina qedexeya li ser navê Kurdistanê xalên esasî yên vê tifaqê ne.”
Ozçelîk da zanîn ku li ser van xalên esasî dikarin bi hemî partîyan re danûstandinê bikin.
