Hamasê îro Pêncşemê ragihand ku jibo Gaza pêdivîya wan bi pêşnîyarên nû yên ser agirbestê tuneye.
Wê rêxistinê dîyar kir ku wan plana Amerîka qebûl kiriye û jibo Îsraîl jî wê qebûl bike divê zext were çêkirin.
Çaverê bû Amerîka jibo nelihevkirina Îsraîl û Hamasê bişikîne ser agirbestê pêşnîyarên nû ragihîne.
Hamasê dîyar kir ku Serokwezîrê Îsraîlê Benjamin Netanyahu dibêje ewê hêzên Îsraîlê ji korîdora Philadelphi ya li başûrê Gaza venekişe û bi vê gotinê rê li ber lihevkirinê digire.
Rêxistina Filîstînî îdia kir ku ‘’Netanyahu jibo êrîşvanîya dijî gelê wan dirêj bike danûstandinan bi kar tîne’’ û bang li gel kir ku li hember ‘’hîle û kemînên’’ wî hişyar bikin.
Hamasê dîyar kir ku wê pêşnîyara Amerîka ya 2’yê Tîrmehê qebûl kiriye.
Amerîka, Qatar û Misir jibo agirbesta Gaza û berdana dîlên Îsraîlî bi mehan e navbeynkarîyê dikin, lê heta niha jî Îsraîl û Hamasê ti lihevkirin ranegihandiye.
Jêder: Reuters